DÁMOSCHE A BENVIDA A ANPA A CURUXA

Unha ANPA é unha entidade sen ánimo de lucro integrada por nais, pais ou titores legais do alumnado matriculado en centros non universitarios e representa a forma máis eficaz para que as familias se organicen dentro da escola.

Por que pertencer e traballar na ANPA?

Porque a educación dos nosos fillos é a nosa responsabilidade.
Pola necesidade de estar unidos á hora de reivindicar aspectos que nos axuden a mellorar a calidade do ensino
Porque un movemento de pais e nais agrupados fai que as súas iniciativas e peticións sexan vistas con MAIOR RESPECTO por parte das Administracións Públicas, do profesorado, da Sociedade, etc.
Porque existe un marco legal que protexe o noso dereito a participar na vida da Escola.
Pola importancia de “traer” aos Consellos Escolares a presenza de pais organizados (APAS) para DEFENDER os intereses de TODOS, NON PARTICULARES
Porque se os pais non somos capaces de motivarnos pola educación dos nosos fillos. PARA QUEN O FAREMOS?
Porque se as nais e os pais non son activos e participativos, como explicarlles aos nosos fillos/as que deben ser persoas implicadas nunha sociedade na que poidan e deben expresarse, participar e responsabilizarse do seu propio futuro.
Porque para levar a cabo a formación activa dos pais é necesario UNIR ESFORZOS E IDEAS.
Porque as ANPAS deben traballar na integración do Centro na súa contorna.
Porque todos somos necesarios para mellorar a calidade de vida dos nosos fillos/as. Participa nun DEREITO pero tamén nun DEBER SOCIAL.